شعراء 2006

السلام عليكم



قصيدة من الارشيف وهي تتكلم عن بعض الشعراء ...


وهذي القصيدة توضح بأنني لست متهجم على الشعر النسائي ..


بل الهدف الاساسي كان الشعر ..



فاكلن يعلم ان ايامنا هذي (( الشعر )) صار موضه ..


وكلن يقول انا شاعر وشاعره ...


ماطول عليكم اليكم القصيده ..










يالعتيبي ابتلشنـا بعـام ستـه
عقب عام 2000 شفنا علم ثاني
اصبحو شعارنا في كـل حتـه
وما خفى للناس يا ذيبان بانـي
عام..يزهـر بتصالاتـه ونتـه
كل وقتٍ ولّه جيل وله زمانـي
الشعر مثل الحجر ماحـدٍ يفتـه
هو زمام المعرفه سحـر البيانـي
والبلا يا صاحبي عقب اللي شفته
كل واحد ممتطي ظهر الحصانـي
واسمعه يقول جيش الشعر قدتـه
والحقيقه فالمواقف هـو جبانـي
والبلا لا من بليت بـه وجبتـه
فالمجالس قام يطربـق طربقانـي
يدعي بالمعرفه لا مـن نشدتـه
يحسبنـه حايـزٍ كـل المعانـي
مثل هذا يالعتيبـي لا صدفتـه
جنّبه خله علـى دانـه ودانـي
الشعر من صغر سني قـد نحتـه
في ضلوعي من مكان اليا مكاني
الشعر بيره بدلوي قـد وردتـه
ما طلبته من فـلان ولا فلانـي
احبكه معنى وفكره لا بدعتـه
في دقايق في ليالـي فـي ثوانـي
واتحدى كل شاعـر لا كتبتـه
ومن دعاني في مواقيفـه لقانـي
الشعر يا صاحبي والله ما درسته
الله اللي يالعتيبـي بـه بلانـي
به بلاني وابتلانـي ثـم شربتـه
في زمن يحتاج له كـم ترجمانـي
يكفي والله يارفيقي مـا سمعتـه
شعرهم ماني أبيـه ولـو يبانـي